Gar yiccer d uksum
Seg wasmi, timiḍt teɣli
Ilefḍan selɣen ɣef yiman
Ma yella cbiɣ imɣi
Ilaq ad d-neεteɣ, seg yiqecran
I d-yeqqim kan, usḥuḍel di tikli
Ad ssuɣ lehdur, deg yiḍerfan
Ad yeẓẓal fell-asen llufan
Ad asen-yerr tajmilt i yiseflan
Dɣa, ad tettmurud tiṭ di tmuɣli
Ass-nni mi d-ḍeqqren wussan
Yeccelqef-iyi-d uẓekka
Di dduḥ, mi dduqsen wurfan
Ziɣ tidekt deg-s tessa
Ttmiẓiden din yiɣsan
Agergis yurrew-d isedra
Lxiḍ nsen d iẓerman
Tixegget d mummu yensan
Udin-ten! Talwit ur d-teksa